ما في زي الدغري
مهما قالولك
اوعي لا تنغري
قد ما وصفولك

خليكي دغري بكلامك
الصدق ينجي بالأخير
والكذب لو عم يحلالك
مهما طول حبله قصير
وانسي شو قالت هاي و هاي
و شوفي هديك و شوفي هاي
سيبي الغيبة و ركزي شوي
واحكي اللازم من الأخير

كوني دغري بمعاملتك
وانسي اللفلفة والدوران
لا تخسري بكرة صاحبتك
ولا أهلك ولا مين ما كان
اكسبي ناسك بالوضوح
لا تكوني سبب الجروح
و أقرب حدا عنك يروح
و ندمك ما يعيد اللي كان

دغري خليها أخلاقك
من طلتك لحركاتك
ضلي بأدبك بين رفاقك
كوني قدوة لصاحباتك
وياللي معك مش دغري يكون
يعرف حده و يوقف هون
يعرف إنا ما بنهون
يتعلم درسه منك