دق دق دق
مين عالباب
أنا جنى
أغلى الأحباب
يا أهلا وسهلا بهالطلة
نوّرتي بين صاحباتك
تسلمي يا أمينة و تضلي
لاحبابك و رفقاتك
كنا بنحكي مع بعضينا
كيف الوقت بيمضي فينا
شو رأيك قولي و شاركينا
كيف بتقضي أوقاتك
بصحى الفجر و بتوضا
و بصلي محلى الصلاة
وانا متلك قلبي بيرضى
و تزيد اوقاتي حلاة
بفطر و بفرشي اسناني
ما بخلي صحني مكانو
نغسل سوا الأواني
ما بنترك ماماتنا يعانو
الله الله الله
يا ما شا الله عنكم
يلا بدنا يلا
كلنا نبقى زيكم
بطلع على مدرستي بوقتا
ما بتأخر على أي حصة
و معلمتي ما تعبتا
و الغش ما بعطيه فرصة
ما بصاحب حدا بيشاغب
الأدب يحلي صحبتنا
ضحكي و صوتي لأ مو صاخب
ما أحسنها تربيتنا
بنهاري بلعب أوقات
بتسلى و قلبي سعيد
و بخصص من وقتي ساعات
حتى أفيد و استفيد
أنا بعرف أقرأ بكتاب
بختار اللي يناسبني
والصحة بعمللا حساب
برياضة بتنشطني
و المسا ما بطوّل لأنام
ما بسهر و بزعج غيري
هيك نرتب هالأيام
بننام و نصحى بدري
شكرا يا أغلى أمينة
وان شا الله بشوفك على خير
وانتي يا أغلى صديقة علينا
شرّفتي و تصبحي على خير